Тұрақтандыру қорындағы әлеуметтік маңызы бар азық-түлік тауарлар туралы

«Каспий» ӘКК» АҚ Басқарма Төрағасы  15 наурыз күні жұмыс барысымен Ақтау қаласында орналасқан азық-түлік тауарларын сақтайтын «Азерсун өндіріс және логистика орталығы» ЖШС  қоймасына барды.

Қоймадағы тұрақтандыру қорындағы әлеуметтік маңызы бар азық-түлік тауарларға мониторинг жүргізілді. Тұрақтандыру қоры  – облысымыздың азық-түлік нарығына реттеушілік ықпал ету және азық-түлік қауіпсіздігін қамтамасыз ету үшін құрылған.

Бүгінгі күнде тұрақтандыру қорындағы қоймада 300 тоннадан асатын тауарлар бар, оның ішінде: қант, қарақұмық, күнбағыс майы, макарон өнімдері күріш және ас тұзы.

Тұрғындардың сұранысына және ӘМАТ бағасының күрт өсуін тежеу мақсатында қоймаға тауарлар уақытылы жеткізіліп және сауда нүктелеріне интервенция жүргізіліп отырады.